Гасічі Окресного діректоріату Гасічского і захранного збору (OR HaZZ) в Пряшові в минулім року засяговали при асі 100 пожарах. Векшына з них взникла подля гасічів неуваженым выпальованям травниковым поростів. Апелують прото на дотримуваня безпечности при маніпулації з отвореным огньом і попереджують на загрожуючі покуты. Як пресаґентуру TASR інформував діректор OR HaZZ Пряшів Любомір Тодьор, пожары запричінюють каждорічно великы матерялны і еколоґічны шкоды, причім обнова, наприклад лісного оточіня, є довгочасовым процесом. Минулого року в окресі Пряшів засяговали гасічі при 98 пожарах в природнім оточіню, што є о 77 пожарів веце як тому было в року 2021. В 54 припадах было прічінов взнику пожару выпальованя сухой травы, кряків і дерев. (TASR, Pkf)