Місто Пряшів підпорить обчаньскы актівіты покы сумов 60.000 евр річно. Містьскы посланці на своїм посліднім засіданю одобрили обще завязуюче наряджіня (VZN) о правилах партіціпації в місті Пряшів. Подля ведучого одбору фінанцій Містьского уряду в Пряшові Радка Лапоша, фінанчны средства будуть призначены про обчаньскы здружіня і незисковы орґанізації. Меджі жадателів загорнули і властників квартель і просторів, котры служать на іншы цілї. Фінанції будуть призначены на бежный, як і капіталовый келчік. На обідва сорты мать быти выділено по 30.000 евр. В рамках бежного келчіка  будуть єднотливы проєкты підпорены сумов мінімалні 1000 евр, при інвестичных проєктах то буде 1700 евр. Максімално буде мож здобыти підпору у вышці 5000 евр. Подля пріматора міста Пряшів Франтішка Ольгу, партіціпатівный розрахунок мать указати жытелям Пряшова, же можуть партіціповати на розвою міста. (TASR, Pkf)