Стовка найвекшых словацькых самосправ є знова о дашто отвереніша. За два рокы доказала в середині зліпшыти о шість перцентуалных пунктів, выходить то з актуалного ступенка транспарентности міст, котры зоставила мімовладна орґанізація Transparency International Словакія. Як повів на пресконференції в Братіславі аналітік даной орґанізації Міхал Пішко, „окрім звышуючой ся отворености є добров справов, же наша орґанізація мала можность по першый раз приділити найвысшый рейтінк транспарентонсти А+, котрый здобыли за переконаня границі 85 перцент дві самосправы.“ За словами Міхала Пішку, перше місце обгаїв Вранів над Топльов зо зыском 87 перцент, потім братіславска часть Нове Місто зо зыском 86 перцент. За ним наслідує Рожнява із 79 процентами. Третє місце од кінця заняли Велиькы Капушаны із зыском 36 перцент, друге Шураны із 32 а послідні місце заняло Гуменне із зыском 32 процентів.
(ТАSR, Кімaк)