x

На парцелах в Гунцовцях зневажыли ярець і тендеріцю

00

На многых парцелах в катастрі села Гунцовце недалеко Кежмарку дахто пошкодив і зневажыв тендеріцю і ярець. Крайска поліцайна говоркыня з Пряшова Яна Ліґдаёва в тім повязаню увела, же поліція в Кежмарку веде трестне стиганя проти дотеперь не знамому винникови за пречін пошкоджованя чуджого дїла. ,,Винник в часї од апріля до зачатку авґуста того рока пошкодив і зневажыв в катастралній теріторії села Гунцовце на цалком пятёх парцелах выпестованый ярець на плосї 1100 метрів квадратных і на далшых шестёх парцелах тендеріцю, на плосї веце як 12.000 метрів квадратных,” конкретізовала говоркыня з тым, же взникнута шкода є вырахована на найменше 2160 евр. Винникови грозить трест однятя слободы аж на єден рік.

(Шутіова, TASR)