Нова ціклотраса при селі Чірч на севернім Спіші є скоро докінчена. Староста Міхал Дідік про пресаґентуру TASR потвердив, же шістькілометрова етапа, котра веде од кінця села попід Черґовскы горы, під Мінчол аж на Поташню, на тых днях докінчують. Трасу покы неофіціалні сприступнили верейности, треба быти але осторожнішым, кідже там фурт ся робить зо строями. Цілкова ціна діла была нецілых 550.000 евр, селу ся на проєкт подарило здобыти дотацію 520.000 евр з Інтеґрованого реґіоналиного операчного проґраму в рамках  вызвы Міністерства інвестицій, реґіоналного розвоя і інформатізації СР. Реалізація проєкту тырвала подля договору о ненавратный фінанчный вклад вісем місяців. Його цільом є звышыти атрактівіту і переправну капаціту главні ціклістичного транспосту в реґіоні. (TASR, Pkf)