В суботу 1-го юла в ґрекокатолицькім путницькім місці Клокочові одбыло ся рукоположіня новых священиків. Владыка Кіріл Василь – архієпіскоп і кошыцькый єпархіалный єпіскоп, почас літурґії рукоположыв двох діаконів – Ріхарда Фучка і Яна Павука на священиків. З преосвященым Кірілом літурґію служыв і владыка Мілан Хаутур, емерітный кошыцькый єпарха, а далшы священици. На рукоположіню своїх родаків брали участь і віруючі з парохій Собранці а Кошыці-Тяганівці. Торжественну літурґію допроводив Хор святого Йосифа з Михаловець, інформовав о тім Пресовый центер Кошыцькой єпархії.

(Медвідь)