Обвинены Мартін М. і Мілан Г. у звязку з выбухом  пліну і наслідным пожаром на Мукачевскій улиці в Пряшові оставають на слободі. Вчера о тім вырішыв сенат Крайского суду в Пряшові. Мужы суть обвинены в першім ряді з важного приступку общого огрожіня з наслідком смерти  многых осіб і шкоды значного розсягу. Карне конаня є днесь веджене против пятьом обвиненым. Обвиненых Яна Р., Марека Т. і Ондрея Т. послав Окресный суд в Пряшові до арешту 9-го децембра 2019-го року. Крайскый суд вердікт 30-го децембра потвердив. Троє жывностници вчера тыж стояли перед судом з цільом непублічного інформатівного выслуху. Судця го перерушыв до днешнього дня, кедь од 9.00 год выслух продовжує. (TASR, Pkf)