Польща і Німецько бы мали пожадати Европску унію о далшу поміч в повязаню з очекованов волнов україньскых біженців почас зимы. В понедільок то в Берліні повів польскый презідент Анджей Дуда, інформує аґентура Reuters. Дуда думать, же тоты дві країны бы мали звернути ся до Унії у справі фінанчной підпоры про Варшаву і Берлін, кедьже несуть міморядне бремено в повязаню з прийманьом біженців з Україны. Од зачатку войны у фебруарі втекли з Україны міліоны людей. Існують проґнозы, же почас холоднішых місяців бы могли одыйти далшы великы чісла україньскых гражданів із своїх обысть, кедьже Росія продовжує в атаках на ключову інфраштруктуру.

(Медвідь, TASR)