Oд юла бы мав у штруктурах RTVS быти новый орґан дозору. Новокреована етічна комісія має принимати становиска нелем ку спорным аспектам проґрамів телерадія, але і ку спорным рішіням манажменту, котры дотулюять ся проґрамового обсягу. В припаді того, же ся зістять порушіня етічных і правных норм новинарьской роботы, включно засягованя до незалежности творчости, буде орґан так само посуджовати, ці ґенералный директор і Рада RTVS прияли достаточны крокы на направліня стану. Пропозіцію новелы закона о RTVS передложыв на найблизше засіданя парламенту председа парламентного выбору про културу і медії Крістіан Чековскый.

(Медвідь, TASR)