x

Обновили Бескідьскый пантеон

00

Сімболічный цінтерь вызначных особностей спід Полонин  – Бескідьскый пантеон, котрый находить ся в Народнім парку Полонины, по 13-ох роках обновили. Інформовав о тім Народный парк. Пантеон є нетрадічным інформачным пунктом, котрого посланьом є обновити память на інтересных людей реґіону. Ареал творить вісем великых скал з інформачныма таблічками о особностях, котрый є доповненый о інформачный панел з мапов Народного парку Полонины. Выникнув вдяка ініціатіві Обчаньского здружіня Чемеріця Стащін, Справы Народного парку Полонины, Лісоземледільского урбаріатного фундушового общества Старина і села Ялова. Ареал вже было треба подля Народного парку Полонины зреконштруовати, вымінити іформачны таблічкы, дати новы стояны і зробити нову вступну брану. В ареалі Бескідьского пантеону мають свої честны місця Александер Духновіч, Петро Лодій, Федор Головатый, Михаіл Пустай, Юрій Колинчак, іґумен Іґнатій – властным меном Йоан Чокина, Еґон Ервін Кіш і Ладіслав Мнячко.

(Медвідь)