Часть оправленых просторів Справы народного парку Словацькый рай в Спішскій Новій Всі стали ся од 30-го юла т. р місцьом пахнячой і здравой новоты. Загорода лічівых рослин на терасі є сучастьов екодвора, котрый одкрыли іщі влони і служыть на енвіроменталну выхову. Як повів директор Toмаш Дражіл, за помочі зіля хотять приближыти лічівы рослины, котры роснуть в Словацькім раю. Як іншпірація їм послужыла історіяї, кедь о подобну загороду зіля ся старали картузіаньскы монахы, котры были на Клашториску. Думку підпорила і Справа oхраны природы в Баньскій Быстриці і добрый почін ся высарив. Сучастьов терасы суть нелем рослины посаджены в черепах, але і такзваный обертаючій ключ на становльованя, подля котрого можуть навщівници познавати рослины. (Korzár, Кузмякова)