Проєкт Порта Русіка – з Полонин до Бєшчад, котрый быв одобреный в рамках Проґраму черезграничной сполупраці Інтереґ В-А Поландія – Словакія на рокы 2014-2020, надвязує на найстаршу торгову дорогу выбудовану в Горнім Угорьску. Тота дорога споёвала Міхалівці з Баліґродом, вела через Руске, Руске седло до Розток. Його цільом є звышыти уровень хоснованя природного і културного потенціалу даного погранича. Словацьку пресову аґентуру ТАSR о тім інформувала говоркыня Пряшівского самосправного края Даша Єленьова. Выслідком спомянутого проєкту бы мав быти черезграничный турістичный продукт Порта Русіка, котрый бы мав творити 60 кілометрів новых, змодернізованых черезгранічных ціклопішників. Выбудовати бы ся мала і потрібна іфраштруктура, як суть едукачны таблы, алтанкы, выглядовы вежы. Приправити бы ся мала і інтерактівна мапа ціклотрас, аплікація до смартфонів ці вебовый інтернетовый сайт з кве-ер кодми і публікація пропаґуюча потенціал погранича. Черезграничный проєкт здобыв підпору з Европской унії у вышкі скоро 1,6 міліона евр і зреалізуваный бы мав быти до двох років. Пряшівскый самосправный край буде брати участь на сполуфінанцовані даного проєкту.
(ТАSR)