Пообзерати сі унікатны дїла чіпкарїв і чіпкарёк, котры творять красу на почеканя, сі можуть навщівници Музея Солівар в Пряшові. Увидять оріґіналны дїла зо Словакії, але і з Чехії, Мадярьска, Польщі ці Булгарії. Од четверя (29.6.) до суботы (1.7.) ся одбуде Меджінародный фестівал палічкованой чіпкы. Орґанізує го Сільнобаньскый чіпкарьскый цех. TASR о тім інформовала тискова референтка Містьского уряду в Пряшові Ленка Шітарова. Як повіла, приготовленый є і културный проґрам, модны переглядкы, выставы, змаганя, але і інтересный воркшоп, де ся навщівници научать палічковати. Сільнобаньска чіпка належить меджі недвижны памяткы міста Пряшів. Мать своє походжіня в Сольній Бани, колись самостатнім селї, де жыли люде занимаючі ся тяжбов соли.

(TASR, Шутіова)