На середній одборній школі політехнічній і служеб у Свіднику прибудовали новы майстерні на одборне тренованя. Модерна гала буде служыти будучім стройникам, техніком ці  оправарьом авт при звышованю їх практичных зручности. По веце як року ставебных праць  галу вчера дали до ужываня, інформувала говоркыня Пряшівського самоспрвного края (ПСК) Даша Єленьова. ПСК як зряджователь школы до выбудованя заінвестовав зо свого розрахунку веце як 1,2 міліона евр, де вєдно з увером з Европской інвестичной банкы іде цілково о суму 1,64 міліона евр. Нова гала мать теріторію 20 на 40 метрів і складать ся главні з робочіх просторів, складів і  меншых майстерні про автомехаників і зварячів. (TASR, Pkf)