Шарішске Ястрабє, село Старолюбовянского окресу, із 1450 обывателями ся може як єдно з мала сел нашого реґіону похвалити, нелем тым же каждорічно чісло єй обывателів ся звышує, але і тым, же в селі мать збудовану цалу основну інфраштруктуру. На першый погляд бы то вызерало, же немають уж ниякы проблемы. Но, правда є інакша. Днесь їх найвекшым проблемом є каналізація. Як про наше радіо  Русин.фм староста села Любомір Решетар повів, ,,вшытко в селі немаме зробене. Немаме іщі такый, мож повісти єден великый проєкт зреалізуваный, а то є одканалізуваня села. Тот проєкт небыв дотеперь зреалізуваный протоже при його реалізації бы были нарушены іншы проєкты, повязаны наприклад із розкопаваньом путі. Так само при вызвах, конкретні при каналізаціях, є проблем  із ДПГ, котре є неоправненым выдавком а про село є то велика тярха, правдаже покы бісіда є о проєкті в сумі двох міліонів евр. А то  є знова 20-25 процентів, якбы то наша сполуучасть. Также тото є про нас така велика вызва. (TASR, Pkf)