Пряшівскый самосправный край змодернізовав пять середнїх одборных школ, теперь ку ним прибуде далшых десять. ПСК вступує в рамках ініціатівы Catching up-Regions до далшой фазы народного проєкту, котра мать розрахунок на веце як 6,5 міліона евр. У выбраных школах края злїпшыть маркетінґ, кооперацію зо заместнавателями і обсягы навчаня. TASR o тім інформовала говоркыня края Даша Єленёва. ,,Тїшыме ся, же ідеме до далшых проєктів, теперь в нашых школах в Пряшові, Гуменнім, Старій Любовни, у Світї, Бардеёві, Свіднику і Воронові над Топлёв, котры їх вызначно посунуть допереду. Надвяжеме нима на попереднї проєкты в рамках ініціатівы добігаючіх реґіонів, котры принесли великы зміны на пятёх пілотных школах в конечній частцї і сінерґії вшыткых актівіт за приближно 50 міліонів евр,“ увів председа ПСК Мілан Маєрьскый.

(TASR, Шутіова)