Посланці Народной рады (НР) СР зачали днешне їднаня пропозиціями з варштату міністерства школства. Діскутує   ся о них в такзваній злученій розправі. Пакунок школскых законів в пленi представляє міністер школства Томаш Друкер. В пакунку є сім різных пропозицій. Меджі нима наприклад новела школского закона ці пропозиція нового закона о фінацованю школ. Посланці собі такзвану злучену розправу к споминаным пунктам одобрили у вівторoк (16. 9.). Даный поступ значить, же міністер представить вшыткы пропозиції вєдно і посланці ся к ним будуть мати можность высловити в рамках єдной діскусії. О продискутованых пунктах ся днесь не буде голоcовати. Посланців найблизше голоcованя чекать аж у вівторoк 23-го  септембра. (TASR, Пкф)