Села в околиці Домашы звертають увагу на недостаток воды у воднім водоємі, подля Словеньского водогосподарьского поднику (SVP) неіде о выняткову сітуацію. Причінов пониженя уровні водных токів і водоєму є подля говорцю SVP Маріана Боцака актуалні сухый період нелем на  Словакії, але і в цілій Европі. Увів то в реакції на кампань, котру  самосправы зачали і попереджує, же уровень рік є в сітуації суха самособов низша. Як далі Боцак повів, же днесь є водоєм наповненый на 52 процент засобного обєму, што є законом призначене розпятя меджі мінімалнов уровньов 146,20 і максімалнов на уровні 162 метрів над морьом. На недостаток воды в Домаші скаржать ся главні самосправы в єй околиці. Села Бжаны, Тураны над Ондавов, Нова Келча, Голчіковце, Кваковце, Мала Домаша і Словенска Кайня у данім споїню зачали інформачну кампань в одношіню маніпулації з водов в Домаші. (TASR, Пкф)