Злучіня дакотрых середніх школ в краю одобрили в рамках оптімалізації сіті середніх школ Пряшівского самосправного краю (ПСК) крайскы посланці на посліднім засіданню. Три ґімназія планують до свойой компетенції зобрати єднотливы міста. Як повів ведучій одбору школства Уряду ПСК Ян Фурман, же предложыли вісем оптімалізачных проєктів в рамках самосправного краю. Першый проєкт ся дотуляв  Бардейова, де хотіли вытворити алоковане робоче місце, тот  проєкт але  не перейшов. Далшый проєкт ся дотуляв Гуменного, де успішно споїли обходну і готельову академію од 1-го септембра 2027-го року. Третім проєктом хотіли створити алоковане робоче місце в Гуменному і споїти політехнічну і технічну школу. Голосуванм проєкт але не перешов. Перешли два дальшы проєкты в рамках Кежмарку, то є споїня ґімназії і Школы умелецького промыслу, а потім Готеловой академії і Середньой одборной школы на Гарбіарскій улиці. Як дале Фурман доповнив, же посланці єдночасно одобрили, же ґімназія в Снині, у Свіднику і в Стропкові перейдуть по одобріню містьскыма парламентами до компетенції єднотливых міст. (TASR, Pkf)