Традічна крайска шпортова подія Шпортовець Пряшівського самосправного края вступує уж до свого 19-го рочника. Принесе оцініня про єднотливців і колектівы, котры в року 2022 досягли вынятковы успіхы на народных і меджінародных шпортовисках. Номінації найліпшых шпортовців приїмать край до 9-го януаря будучого рока. Пряшівськый самосправный край (ПСК) приправує дальшый рочник анкеты Шпортовець ПСК 2022, котрого частьов є 11 катеґорій. Оцінить в ній єднотливців і шпортовы колектівы, котры за тот рік зазначіли вызнамны домашні ці меджінародні шпортовы успіхы. Край актуалні зачав номінації про 19-ый рочник крайского оцініня. Шпортовы клубы і шырока общность їх може засылати до 9-го януаря 2023-го року. Вшыткы формуларї з інформаціями о актуалнім рочнику анкеты Шпортовець ПСК 2022 суть доступныма на інтернетовій сторинці ПСК. (TASR, Pkf)