Посланцi єднокоморoвого україньского парламенту схвалили у вівторок закон, котрый значно обмеджить незалежность двох клучовых протикорупчных органiв в країнi. Інформують о тім аґентуры Reuters і AFP. Напрік розсяглiй критиці з боку невладных органiзацiй і людьскоправных ґруп, україньска Найвысша рада (Верховна рада) розділом голосів 263 ку 13 схвалила, же два протикорупчны органы будуть підряджены прямо ґенералному прокурaторови, котрого призначує презiдент. Іде о Націоналный протикорупчный уряд (NABU), котрый одкрывать і выслiдує припады можливой корупцiї меджі штатныма інштiтуцiями, і Спецiалiзовану протикорупчну прокуратуру (SAP), котра на основі його становліня наслідно карать підозрiлых. Україньска невладна органiзація Центер про бой проти корупцiї твердить, же завдякы новому закону тоты протикорупчны органы в основі стратили на цінности, кідьже ґенералный прокуратор, досадженый презiдентом Володимиром Зеленськым, буде подля єй слов „заставувати дослiджуваня в припадах вшыткых презiдентовых приятелїв“. (TASR, Пкф)