Пряшівскый самосправный край приготовлює путовну выставку під назвов Ангелы на горах. Іде о творы із путницьков тематіков, котры были намальованы шпеціално про потребы проєкту Святомаріяньска путь – світло із востока. Як інформовала денник Korzár Вероніка Фіцекова, кооріднаторка проєкту, покля буде дефінітівно встановлено, де буде выставка мати стабілне місце, будуть собі єй годны жытелі краю посмотрити прямо в окремых окресах, в културных заряджінях, котры має на старости край. Проєкт Святомаріяньска путь є проєктом 13-ох партнерів, семох із Словакії, 5-ох із Польщі. Головным цільом є добудовати інфраштруктуру на выбраных путницькых місцях в Левочі, Лютині, Літмановій і Ґаболтові, і понукнути новый продукт турістічного руху, іншпірованый найзнамішов путницьков трасов Сантіаґо де Компостела.
(Петро Медвідь)