Снина уж другый день жыє Днями міста, котры ся одбывають під назвов „6 днів – 6 лиць міста“ і споюють вшыткы ґенерації. По вчерайшім славностнім отворіню і културнім проґрамі в Сниньскім каштелю, днесь проґрам присвяченый наймолодшым. Молодiжный парламент приправив на дворі каштеля богатый проґрам: пiкнiк молодых талантiв, выступліня спiваків і ґруп, і вечурь закiнчіть лiтнім кiном під голым небом. Завтра буде день присвяченый шпорту і актiвному оддыху про вшыткы віковы катеґорії. Приправлене є терапеутічне тренованя, здравотницьке пораденство, і про любителів фотбалу – фотбаловый турнай о Кубок прiматора міста Снина. Представлять ся і мiстны шпортовы клубы через свої шпорты – теквондо, тенiс, бiг, гокей, шермованя, запасіня і фотбал. Дале будуть днi повны културы, забавы і дальшых актiвностей. В пятнiцю чекать проґрам про сенiорів, субота принесе концерты капелы Nocadeň і No Name, а ціла подiя кулмінує в неділю славностнов омшов і проґрамом про дiтей. (TASR, Пкф)