Історічны карткы міста од початку 20-го століття до перелому міленія захоплює календарь, котрый выдало місто Стропків. На його творіню брали участь і пріватны зберателі. TASR о тім інформовав Петер Новак, говорця міста Стропків. На приправу календаря припомогли доступны матеріалы з архівів і многы зберателі. До фінале ся так дістали стары карткы з періоду Австро-Угорьска, першой Чехословацькой републікы і соціалістічной Чехословакії другой половины 20-го століття. Добовы фотоґрафії захоплюють наприклад, як ся мінив центер Стропкова, історічны зміны містьского парку, але і днесь уж скоро забыту подобу бывшых готелів Токаїк і Ондава. Не хыблять добовы поштовы знамкы і штемпель поштового уряду. (TASR, Pkf)