Пряшівскый самосрпавный край продовжує у вакцінації і в часі надходячіх свят. Люде так можуть выужыти терміны перед Рождеством і меджі святами. ТASR о  тім інформовала говоркыня краю Даша Єленьова. Днесь до 19-ой годины  подавають вакціну в обходных центрах Пряшова і Попраду. До кінця рока край понукать далшых 11 термінів. 28-го децембра самосправа отворить свої великокапацітны центры в Пряшові і Попраді, але і  в Кіні Дукля у Свіднику. В середу 29-го децембра сприступнить вакціну знова в Попраді і Сеніорцентрі в Бардейові. Третій великокапацітный центер в Обходній академії в Гуменнім отворять в четверь, 30-го децембра, як і в Містьскій шпортовій галі у Вранові над Топльов. Гармоноґрам термінів щіпіня є опублікованый на інтеренетовій сторінці краю www.po-kraj.sk. (TASR, Pkf)