Великодный ярьмарок писанок собі од неділі до днешнього дня приправило про навщівників Вігорлтатьске музеюм В Гуменнім. Як пресаґентуру TASR з музея інформувала Яна Федічова, іде о супроводный проґрам 31-го річника меджінародной выставкы Карпатьска писанка 2023. І кедь ярмарок з можностьов автороского продая і накупу писанок в музею уж о 12.00 годині скінчів, навщівници можуть надале в Ґалерійній сіні Ореста Дубая собі переглянути выставу высше 1040 писанок зо Словакії, Україны, Польщі, Чехії і Мадярьска. Частьов выставной презентації є стародавня писанка із 16-го стороча в подобі реплікы писанкы найдженой недалеко Києва і котра є од 2017-го року частьов сталого збіркового фонду Вігорлатьского музея. Як дале Федічова повіла, же найвекшу выставну колекцію творять высше 380 писанок зо вшыткых реґіонів Україны, котре музею запожычало шпеціалізоване Музеюм писанок Народного музея  народного уміня Гуцулщіны і Покутя Й. Кобриньского в українскім місті Коломия.