x

Хемес зачав вырабляти тепло зо земного ґазу

00

Угля і выкурёвачі олїї перестали быти пріорітныма паливами хоснованыма компаніёв Хемес в Гуменнім при выробі тепла і електрічной енерґії. Од зачатку рока зачав выробця енерґій на тот замір хосновати земный ґаз. Як TASR інформовала компанія, до модернізації технолоґії, котра мать приспіти ку понижаню угликовой стопы а тыж цїны за тепло, інвестовала скоро штири міліоны евр. ,,Одгадуєме, же дякуючі інвестіціям до енерґетічной ефектівности, як є реконштрукція котлів, дойде ку понижаню емісій CO2,“ доповнив председа представенства компанії Владїмір Кокуля з тым, же Гуменчане бы модернізацію мали чути не лем на чістїшім воздусї, але і на понижаню цїны тепла в містї.

(TASR, Шутіова)