Цолный уряд Михаловцї нукать задарьмо 812 кусів плохых деревяных палет на гуманітарны заміры. Здобыти їх можуть гуманітарны орґанізації і харітатівны здружіня, хоснованы можуть быти наприклад на выкурёваня просторів. TASR о тім інформовала говоркыня ЦУ Михаловцї Яна Німріхтерова. Жадость о доданя товару на гуманітарны заміры мож подати до 30. новембра на адресї ЦУ Михаловцї, Плінареньска 4, 071 01 Михаловцї. В жадости треба окрем основных інформацій увести і кількость палет, о котры є інтерес, способ хоснованя і місце выложіня, респектіве місце концёвой спотребы товару. Близшы інформації о условіях доданя  мож здобыти на імейловій адресї cumi.info@financnasprava.sk.

(TASR, Шутіова)