Ціну Пряшівского самосправного края (ПСК) призначіли професорці Анні Еліашовій, Любіці Чековскій і Фолклорному колективу Врановчан. Посланці Пряшівского самосправного края о тім вырішыли на понедільковім засіданю заступітельства. До призначеного терміну пропонуючі предложыли 11 пропозицій на уділіня Ціны ПСК, котры потім продіскутовала Комісія про уділюваня публічных оцінінь ПСК. Професорка Анна Еліашова ціну здобыла за вынятковы ціложывотны заслугы в розвою словацького здравотницьтва в області ошетровательства, Любіца Чековска за вынятковый вклад в області културы і музичного уміня на Словакії і за вынятковы меджінародны выслідкы а Фолклорный колектів Врановчан ціну здобыв за довгорічну якістну презентацію народной културы і успішну меджінародну репрезентацію Пряшівского края. Славностне переданя Ціны ПСК одбуде ся в децембрі в Театрі Йонаша Заборского в Пряшові. (TASR, Pkf)