Пєнїньскый народный парк (PIENAP)  добровольници одбременили од веце як тоны одпаду, главні од скленяных і умелых фляшок, іґеліток, кововых предметів, пневматік і так дальше. До акції Чісты горы і потокы в Пєнїнах ся в часі посліднього вікенду  (6. – 7. 4.) залучіло коло 150 людей, з того 113 школярів з реґіону. Пресаґнтуру TASR інформував діректор Справы Пєнїньского народного парку (PIENAP) Владімір Клч. З чістіньом зачали школярї з Ґімназія Споєной школы в Спішскій Старій Всі, школярї Основной школы (ОШ) Кральовней Покоя із села Галіґовце, ОШ з Великого Липника і школярї Середньой одборной школы технічной зо Старой Любовні. О день пізніше в акції продовжували членове і добровольници з Горьской службы PIENAP і Pltníctvo Dunajec – Červený Kláštor. Акцію тыж підпорили містьны орґанізації. Придали ся і польскы охранары і рятовници з Grupy Podhalaňskej. Добровольни цілково вызберали коло 1050 кілоґрамів одпаду. (Pkf)