Австралія і Европска унія у віторок підписали в австральскій Канберрі договор о вольнім обході, котрый реціпрочно зрушыть цла на майже вшыткы товары. Єдночасно быв підписаный і рамковый документ о партнерстві в области безпекы і обороны, котрый підтримує співпрацу при общіх безпечностных вызвах – включно оборонного промыслу, кубернетічной і економічной безпекы а боротьбы проти терорізму. Австральскый премєр Антоні Албанесе і предсидателька Европской комісії Урсула фон дер Леєн, котры документ в Канберрі підписали, привітали закінчіня переговорів і потвердили, же обидвоми будуть теперь продовжовати у внутрішньодержавных процесах потребных на ратіфікацію і здобытя платности договору.

(Медвідь, TASR)