Австрійскы посланці єдноголосно одобрили заказ пластовых ташок, котрый мать зачати діяти найпізніше в 2021-ім році. Інформувала о тім аґентура APA. Пластовы ташкы мають зостати в продаю лем до кінця 2020-го року. Заказ ся небуде односити на тонкы пластовы мішкы, котры ся найчастіше в обходах хоснують на овоцину і зеленину ці печіво. Тоты шак мусять быти выроблены з обновительных джерел і мусять быти цілком біолоґічно розложытельны. Австрія є третьов країнов в Европі, котрый такый заказ одобрила. (TASR, Пкф)