x

Закон на реформу Мадярьской академії наук буде досліджувати EK

00

Европска комісія (EK) зреалізує дослід закона на реформу сіті Мадярьской академії наук, котрый голосми посланців владного блоку Fidesz-KDNP одобрив у вівторок мадярьскый парламент. Европска комісія послідній раз перед пару тыжднямі попередила кабінет Віктора Орбана, же Харта основных прав Европской унії узнавать слободу освіты і дослідженя, як і слободу уміня і наукы.  Против трансформації дослідницькой сіті Мадярьской акаденії наук протестовало у фебруарі і в юні в Будапещі пару тісяч людей. Критици призначіли за неакцептовательне, же часть средства призначеных на фінанцованя Мадярьской академії наук собі бютжетным законом під свої компетенції зобрав резорт міністерства про іновацію і технолоґію з тым, же їх выплачіня академії є вязане на певны условія. (TASR, Пкф)