Білоросія позаставила в понедільок свою участь на проєкті Европской унії Выходне партнерство і свого сталого посла при Унії покликала до Мінска на конзултації. Інфомровала о тім аґентура AFP з одкликаньом ся на тамтешнє Міністерство загранічных діл. Білоросія „взглядом на рештрікції даны з боку ЕУ не докаже повнити свої обовязкы выходячі з того договору,“ інформовав білоруськый резорт діпломації. Міністерство навеце подля аґентуры Reuters інформовало, же особам одповідным за то, же были даны на Мінск санкції, буде заказаный вступ до Білоросії.

(Медвідь, TASR)