Чеськый премєр Андрей Бабіш в понедільок припустив, же покля бы його рух ANO скінчів по вольбах, котры будуть проходити тоту пятніцю і суботу, в опозіції, з політікы правдоподобно одыйде. Повів то в розговорі про радіо Frekvence 1, пише портал  Novinky.cz. Бабіш повторив, же є способный договорити ся на вытворіню коаліції зо вшыткыма окрім Піратів. У вольбах до чеськой Посланецькой сеймовні бы подля сондажи з 3-го октобра выграв Бабішів рух ANO з 27,3 процентами. На другім місці бы скінчіла коаліція Spolu а по ній коаліція Piráti a Starostové.

(Медвідь, TASR)