Родичи дітей, котры ідуть до першого класу основной школы мали бы доставати 100-евровый вклад на накупліня школскых потреб. Пропозиція новелы закона о придавку на дітя є з ділні посланців коалічного Smeru-SD, підписала го і незараджена посланкыня Алена Башістова і посланкыня владной SNS Маґдалена Куціяньова. Пропозицію закона, котрый в маї посунуло до другого чітаня пленум парламенту, предложыло на їднаня владі резорт праці. Міністерка школства, наукы, дослідженя і шпорту Мартіна Лубійова увела, же іде соціалны опатріня, котры мають помочі інклузії, але і тому, абы родиче небыли надміру затяжены при вступі дітины до школы. Як далі повіла міністерка школства, „є то позітівне інклузівне опатріня. Ґестором є резорт праці, соціалных справ і родины. Знам собі до будучности представити і то, жебы тот вклад здобыли нелем першокласници, але і учні цілого першого ступіня.“ (TASR, Pkf)