Америцькый презідент Джов Байден має замір знова кандідовати на посаду презідента у 2024-ім році, повіла то в понедільок новинарям говоркыня Білого дому Джен Псакіова. В ночі на віторок о тім інформовала аґентура Reuters. Новинарі Псакіову пожадали, жебы ся выразила к медіалізованым інформаціям, подля котрых Байден своїм прихыльникам оголосив, же планує кандідовати в презідентьскых выборах о три рокы. Сучасный презідент є у своїм віці 79 років найстаршым америцькым презідентом в історії.

(Медвідь, TASR)