Америцькый презідент Джов Байден доісна не стягує свою кандідатуру в новембровых презідентьскых вольбах, увела то в середу говоркыня Білого дому. ,,Кандідую. Єм лідром Демократічной страны. Никто ня не вытисне,“ выразив презідентовы слова на соціалній сїтї X єден з ёго сполуробітників. Байден одолавать тиску в рядох Демократічной страны, жебы по минулотыжднёвім непересвідчівім выконї в передволебній дебатї з Трампом стягнув кандідатуру. Байденів слабый выкон в дебатї выкликав страх і меджі ёго підпорователями. Многы похыбують, ці є достаточно силным демократічным кандідатом, котрый бы ся мав в новембровых вольбах поставити Трампови.

(TASR, Шутіова)