Сполучены штаты суть надале приправены боронити Ізраїль в сітуації іраньского атаку, увів то вчера говорця Рады Білого дому про народну безпечность Йогн Кірби в  дебаті про ізраїльску телевізію Kešet 12. Высловив тыж надію, же договор о примірї меджі Ізраїльом і палестиньскым рухом Гамас є фурт можный. Інформує о тім аґентура Reuters і телевізія CNN. У звязку з їднанями о прімірї в Ґазі і пропущіню рукоположників высловив Кірби оптімізмус і выздвигнув, же їднаня были конштруктівны. На марґо можного іраньского атаку повів, же є тяжко предвідати його правдеподобность. Підчеркнув але, же Білый дім бере іраньску реторіку важно. (TASR, Pkf)