x

Венеційска комісія крітікує україньскый меншыновый закон

00

Як інформовав (12-го юна 2023-го року) портал Європейська Правда, Венеційска комісія публіковала крітічный резултат по аналізі україньского Закона о народностных меншынах (комунітах), котрого приятя было меджі рекомендаціями Европской комісії при уділіню статусу кандідатьской країны. Фаховці з комісії привітали приятя закона о народностных меншынах на Україні, но єдночасно рекомендують пробадати много установлінь в законі, жебы были повні в згоді з меджінародныма штандардами. Векшына рекомендацій дотулять ся хоснованя языка народностных меншын, о чім ся пише в статі 10. В рамках процесу аналізы закона мали можливость з комісійов бісідовати і представителі Світового конґресу Русинів. Русины мали пять основных пожадавок, де єднов з них і то як перша была вызнати карпатьскых Русинів за окремый народ і автохтонну народностну меншыну на Україні, а признати їм вшыткы права в згоді з меджінародныма договорами, котры Україна підписала.  (ЛЕМ.ФМ, ПКФ)

Прочітайте собі / Pročitajte sobi