Як у віторок потвердили російскы медії, влак із северокорейскым вождьом Кім Чон-уном вступив на теріторію Росії. Медії публіковали і знимкы пріватного опанцірованого влаку. Експерты думають, же стріча меджі северокорейскым лідером і Путіном у Владивостоці буде концентровати ся на договор о зброї, причім російскый презідент має жадати Северну Корею о зброю до войны на Україні. Говорця Кремля Дмитрій Песков меджітым повів, же Кімова путь до Росії і його стріча з Путіном представлює „повноцінну навщіву“. Споєны штаты в понедільок означіли плановану стрічу за просьбу о поміч з боку Путіна. Єдночасно остерігали Росію і Северну Корею перед можливыма договорами о додавці зброї.

(Медвідь, TASR)