Україньскый презідент Володимир Зеленскый приобіцяв вчера сильну одповідь в реакції на стрільбу на авто свойого порадцю Сергія Шефіра. Зеленскый опубліковав відеосправу, кідь же ся находить в Ню Йорку, де в чера вечур выступив на засіданю Ґенералной Асамблеї ОСН.  Інформував о тім справодайскый портал 112 Україна. Зеленскый окрім іншого в справі повів, же незнать, кто стоїть за пробов о атентат на Шефіра. Ці уж іде о внутрішны або вонкайшы силы, неповажує їх за силы. Неідентіфікованы особы спустили вчера стріляня на авто Сергія Шеріфа скоро о 10.00 год. містьтного часу при селі Лісникы в Києвській області. Шефіров шофер потерпів пораніня, інформувала аґентура UNIAN. Поліція зачала в цілій області операцію Сірена і досліджує по атакуючіх. Подля поліції авто засягло веце як 17 куль. (TASR, Pkf)