Україньскый презідент Володимир Зеленскый вчера по їднаню з британьскым премєром Борісом Йогнсоном в Києві повів, же воєньскый конфлікт з Російов бы ся дотуляв нелем Україны, але быв бы причінов розсяглой войны в Европі. Інформувала о тім справодайска телевізія Sky News. Зеленьскый єдночасно  подяковав за підпору  в  “тяжкых часох“. Споєне кральовство і Україна ся подля нього договорили, же будуть сполупрацювати на посілніню способности Україны боронити ся протів можній російскій аґресії. Єдночасно конкретізував, же в часі їднаня діскутовали о можных крокох, котры мають одрадити Російску федерацію од атаку. (TASR, Pkf)