Председа мадярьской влады Віктор Орбан высловив з нагоды Меджінародного дня памяткы жертв голокавсту узнаня презідентові Світового жыдовского конґресу Роналдові С. Лаудерові за його снажіня о захованя памяткы жертв, як і потиснутя ожываючого антісемітізму. Аґентуру MTI о тім  днесь інформував Орбанів говорця Берталан Гавасі. Орбан припомянув, же мадярьска влада і надалей тырвать на нуловій толеранції протів антісемітізму і понукать далшу сполупрацу Світовому жыдовскому конґресу і його презідентові.  (TASR, Pkf)