Протілаткы протів коронавірусу оставають в тілі “найменше“ девять місяців по інфікації, выходить то зо штудії выпрацьованой лондинсков універзітов Імперіал Цоллеґе і універзітов в італійскій Падові. Інформувала о тім аґентура DPA. Уровень протілаток “оставать высока“ непозераючі на то, ці мать або немать інфікованый чоловік сімптоны захворіня COVID-19, котрый коронавірус запричінює. К даному заключіню прийшли науковці при тестованю пацєнтів в северній Італії, котра патрила меджі реґіоны найтяше постигнуты інфекційов на зачатку пандемії. (TASR, Pkf)