Протестуючі в Каталанску днес заблоковали дорогы і заставили раняйшы влакы, котрыма люде приходять на роботу, кедь ся в реґіоні зачав ґенералный штрайк по тім, як його справы перевзяла централна шпанєлска влада с цільом потистнути снагы о выголошіня незалежности. Здружіня одборовых орґанізацій підпоруючіх незалежність скликало на днесь штрайк с цільом просадити права робітників. Выголосіня штрайку шак прийшло в чутливій політічній ситуації і сепаратистичны партії пожадали робітників, абы ся придали к дочасному заставліню роботы на протест проти затриманю активістів і одкликаных представителів каталанской влады. Інформувала о тім днес аґентура АП.
(Петро Кімак-Фейко)