Плаваючій козмодром в Севернім морю планують выбудовати четверо европськы выробцове весмірных ракет – двоє з Німецька і по єднім з Голандії і Британії. Першы мініракеты зо сателітми бы одтыль мали штартовати в 2023-ім року, інформував вчера німецькый маґазін Стерн. План підпорує і німецька влада, котра хоче быти стабілным кліентом козмодрому, увів сполковый міністер господарьства Петер Алтмаіер. Домовскым приставом даного плаваючого козмодрому мать быти німецькый Бремергавен. У світі днесь фунґують веце як дві десяткы рамп на штартованя про весмірны  ракеты, але европське весмірне сполоченство ся мусить звекша сполігати на козмодромы в казашскім Байконурі, Французькій Ґуиане ці на заряджіня в США, написала аґентура DPA. (TASR, Pkf)