В Чеській републиці в часі вчерайшого дня зазначіли 12.088 новых припадів інфікації коронавірусом SARS-CoV-2. Выходить то з найновшых дани опублікованых днесь на офіціалні сторинці чеського міністерства здравотницьтва. Цілкове чісло потвердженых припадів од зачатку пандемії ся звышыло на 362.989. В сучасности є наінфікованых 173.892 людей і 185.180 ся зо захворіня вылічіло. Цілком 3913 особ  у звязку з тым захворіньом вмерло. Плошне тестованя  популації на притомность коронавірусу SARS-CoV-2  в Чеській републиці ся може неодбуде, увели то Novinky.cz  з одкликаням ся на высловліня епідеміолоґа Романа Хлібіка, котрый є ведучім епідеміолоґічной ґрупы при міністерстві здравотницьтва. (TASR, Pkf)