Десятьтісячі Ґрузинців выйшли в понеділок вечур до улиць, абы высловили підпору  членьства свойой країны в Европскій унії. Демонштрація ся одбыла лем пару днів по тім, як Европська комісія рекомандувала одложыти кандідатуру Тбілісі. Пресаґентура TASR о тім інформувала на основі інформацій од аґентуры AFP. Одгадом 60.000 демонштрантів, котры мавали заставами Ґрузії і Европской унії, ся в понеділок вечур стрітло перед ґрузиньскым парламентом. Акція мала назву ‟Поход за Европу‟. ‟Европа є історічнов вольбов і тужбов Ґрузінців, про котру ся жертвовали вшыткы ґенерації,‟ увели орґанізаторы мітінґу на соціалній сіті Facebook. (TASR, Pkf)