Голандія в понедільок інформовала, же стане першов країнов НАТО, котра купить сістемы противоздушной обороны од Споєных штатів і дасть їх Україні, інформує аґентура DPA. Подля голандьского міністра обороны Рубена Брекелманса Україна теперь потребує веце противоздушной обороны і муніції. Голандія як першый союзник Североатлантічной аліанції за його словами додасть паклик америцькых збройных сістем, включно часток і ракет Patriot в сумі 500 міліонів евр. То за словами міністра поможе Україні боронити себе і решту Европы проти росісйкой аґресії. В юлі америцькый презідент Доналд Трамп оголосив, же дасть позволіня на продай америцькых протиракетовых сістем Patriot европскым країнам НАТО, котры їх наслідно дають Україні.

(Медвідь, TASR)